Durangoko Azokako Kabi@: Bideo-joko eta Euskara Eguna #2

Kultura digitala definitzen duen zerbait aipatu beharko balitz, bere aldaketa, moldaketa eta eboluzio abiadura dira. Eta pasa den urte honetan gamer edo bideo-jokalarien sareko eztanda izan da horren erakusle; honezkero, bideo-jokalari izan ezik, bideo-jokariak ikustea ere joeran jarri da eta hori ekarri nahi izan dugu Durangoko Azokako Kabi@ra.

Horretarako, nola ez, Game Erauntsikoak ekarri behar derrigorrez, Euskal Herriko bideo-jokozale euskaldunak bildu dituen elkartea. Eguna zuzeneko bideo-joko iruzkinekin hasi da eta segidan Patxi eta Robouten eskutik youtube-n bideo-joko partidak nola erratrismititu azaldu digute.

Hauek badaukate zer esan bideo-jokoei buruz @Patxito_o @robouteguiliam @Gamerauntsia|koak @kabiadurango|n #50DA pic.twitter.com/CGIfjwPdgw

— Kabi@ (@kabiadurango) December 5, 2015

Ondoren, Minecraft txapelketarekin jarraitu dute gamerrek: atxorraren bila aritu dira Durangoko azoka birtual baten barruan. Bitartean, RetroPie kontsola bi montatu dituzte, Raspberry Pi teknologia erabilita bideo-joko onduetan jokatzen aukera emanda.

Begira ze @durangokoazoka birtual osatu dugun!! @kabiadurango eta guzti! Bihar 10:30-13:00 bertan izango gara! pic.twitter.com/EAtlOiwbjO

— Game Erauntsia (@Gamerauntsia) December 4, 2015

Goiza amaitzeko Binary Soul enpresakoek Sorgina Pirulina bideo-jokoa aurkeztu dute eta Euskal Herriko Pelota Birtuala esperientzia bizitzeko aukera eman digute: Oculus Rift betaurrekoekin frontoi birtual batean jokatzeko aukera.

Bazkalostean, euskarazko ardatzarekin jarraituz, Zurru Murru jolasa ezagutu dugu, karta jokoa eta mundu birtuala nahastuz elezaharrak osatu eta ikasteko aitzakia ematen diguna. Segidan, EuskaraGarakoek euskara ikasteko webgunea aurkeztu digute. Iametzakoek #datraolat gehigarria nola erabili eta instalatu esan digute, Twitteren traola eta aipamentak egoki deklinatu ahal izateko. Iametzako Asier Iturraldek komentatu digunez, zero zabalerako karakterea da klabea.

Asier Iturralde @aldatsa @iametza|ko langilea #datraolat aurkezten; milenioko gatazkaren konponbidea #50DA pic.twitter.com/1yAYTkVtv6

— Kabi@ (@kabiadurango) December 5, 2015

Blokearearekin bukatzeko, Elhuyarreko Itziar Cortesek zuzen baino zuzenago aurkeztu dizkigu Xuxen zuzentzailearen azken berritasunak gehigarriaren 20. urteurrenean.

Gure lankide @icetxabe @kabiadurango n #xuxen proiektuari buruz. pic.twitter.com/fGC6FdFbXH

— Orai NLP Teknologiak (@orai_NLP) December 5, 2015

Egunaren bukatzeko, bideo-joko eta aplikazioa garatzaileek izan dute Kabi@ko gidaritza. Ginkgo Games-ekoak eta Binary Soul-koek lehendabizi bideo-joko garatzaile bezala. Hilabete gutxiren buruan osatutako euskarazko bideo-joko itzela biak, Unity motorea erabilita: Biopatrol eta Sorgina Pirulina.

Biopatrol bideo-jokoa aurkezten @Ginkgo_Games|eko lagunak @durangokoazoka #50DA pic.twitter.com/9cetppxPbC

— Kabi@ (@kabiadurango) December 5, 2015

Sorgina Pirulina bideo-jokoa aurkezten @BinarySoul_Ofcl|koak orain @kabiadurango|n #50DA @durangokoazoka pic.twitter.com/RB2SD2up0d

— Kabi@ (@kabiadurango) December 5, 2015

Mikel Artetxek Mitzuli aplikazioa azaldu digu, sakeleko telefonoa erabilita testu eta irudi itzulpenak egitea ahalbidetzen diguna. Aplikazioarekin batera hainbat klabe eman dizkigu itzulketa automatikoa hobeto ulertzeko, klase magistral bat berak emandakoa.

Itzela Mikel Artetxe itzulpengintza automatikoaz emandako hitzaldi magistrala Mitzuli aplikazioa aitzaki! #50DA pic.twitter.com/ZUqdGkfIXz

— Kabi@ (@kabiadurango) December 5, 2015

Asteazkena Sortzaileen eguna izango da Kabi@n, gerturatu, sortuko dugu giroa.